ശേഷിപ്പുകള്‍

ആദ്യം നിശ്ചലമായി.....
ഒരിലപോലും അനങ്ങാതെ....!
പിന്നൊരു കുഞ്ഞു തെന്നലായി
മനസ്സ് കുളിര്‍പ്പിക്കുമൊരു ചാറ്റല്‍ മഴയായി...
പതിയെ കാതടപ്പിക്കും
ഇടിയായി, മിന്നലായി......
നീ ഒരു പേമാരിയായി മാറുകയായിരുന്നു
ഒരു നിമിഷം കൊണ്ട്‌ നീ
എല്ലാം തകര്‍ത്തു എറിയുകയായിരുന്നു
പക പൂണ്ടു, രോഷാഗ്നിയില്‍
നീ എല്ലാം തകര്‍ക്കുകയായിരുന്നു...

ഇപ്പോള്‍ എല്ലാം എരിഞ്ഞടങ്ങിയിരിക്കുന്നു
മഴയില്ല, കാറ്റില്ല, ഇടിയില്ല......
എല്ലാം പെയ്തൊഴിഞ്ഞിരിക്കുന്നു!
നെഞ്ചില്‍ പതിച്ച ഓരോ മഴ തുള്ളിയും....
നിന്‍റെ ശേഷിപ്പുകളായി ഇന്നും
എന്‍റെ കാഴ്ച മറയ്ക്കുന്നു!!!